Azərbaycan, Bakı, 19 dekabr /Trend/
Azərbaycan ABŞ üçün vacib tərəfdaşdır. Trend-in "Novosti-Armeniya"ya istinadən verdiyi məlumata görə, bunu ABŞ-ın Ermənistanda missiyasını başa vuran fövqəladə və səlahiyyətli səfiri Con Heffern Yerevanda son mətbuat konfransında bildirib.
O, qeyd edib: "Biz Azərbaycanla bir sıra sahələrdə, həmçinin Əfqanıstanda sıx çalışırıq. Azərbaycan enerji sektorunda - təbii qazın və neftin Cənubi Avropaya tədarükündə əməkdaşlıq baxımından çox vacib ölkədir".
C.Heffern davam edərək bildirib ki, Azərbaycan İranla münasibətlərin qurulması baxımından da əhəmiyyət kəsb edir.