...

İlham Əliyev Tarif Şurasının benzinin qiymətinin artırılması ilə bağlı qərarını ləğv edib (ƏLAVƏ OLUNUB)

Siyasət Materials 14 Yanvar 2015 12:40 (UTC +04:00)
Azərbaycan Prezidenti İlham Əliyev Tarif Şurasının qərarını ləğv edib. Bu barədə Trend məlumat verir.
İlham Əliyev Tarif Şurasının benzinin qiymətinin artırılması ilə bağlı qərarını ləğv edib (ƏLAVƏ OLUNUB)

Azərbaycan, Bakı, 14 yanvar /Trend/

Azərbaycan Prezidenti İlham Əliyev Tarif Şurasının qərarını ləğv edib. Bu barədə Trend məlumat verir.

Tarif Şurasından isə Trend-ə bildiriblər ki, Azərbaycan Respublikası Prezidentinin tapşırığına uyğun olaraq, 14 yanvar 2015-ci il tarixində Azərbaycan Respublikası Tarif (qiymət) Şurasının növbədənkənar iclası keçirilib. İclasda neft məhsullarının qiymətlərinə yenidən baxılıb və tariflərin tənzimlənməsi barədə yeni qərar qəbul edilib.

Qərara əsasən, Azərbaycan Respublikası Tarif (qiymət) Şurasının "Ölkə daxilində neft məhsullarının tariflərinin tənzimlənməsi barədə" 12 yanvar 2015-ci il tarixli 1 nömrəli Qərarı ləğv edilib.

Ölkə ərazisində istehsal edilərək daxili istehlaka yönəldilən avtomobil benzini, dizel yanacağı və maye qazın hər litri üzrə 2 qəpik yol vergisi şirkətdaxili tariflərin azaldılması hesabına tətbiq edilməklə, əvvəl olduğu kimi "Aİ-92" markalı avtomobil benzininin pərakəndə satış qiyməti 1 litr üçün 70 qəpik, dizel yanacağının pərakəndə satış qiyməti isə 1 litr üçün 60 qəpik səviyyəsində müəyyən edilib. Həmçinin, maye qazın topdansatış qiyməti 1 ton üçün 300 manatdan 263,6 manata endirilib və yol vergisi ilə birlikdə topdansatış qiyməti 1 ton üçün 300 manat müəyyənləşdirilib.

Qərar 15 yanvar 2015-ci il tarixindən qüvvəyə minəcək. Qərarın tam mətni Azərbaycan Respublikası Tarif (qiymət) Şurasının rəsmi internet səhifəsində (www.tariff.gov.az) yerləşdirilib.

Məqalədə:
Xəbər lenti

Xəbər lenti