Bakı. Hüseyn Vəliyev - Trend:
Avropa İttifaqı (Aİ) Şəki-Zaqatala iqtisadi rayonunda ABAD-ın inkişafına təqribən bir milyon dollar ayıracaq.
Trend-in məlumatına görə, bunu Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov deyib.
İ.Kərimov qeyd edib ki, layihə BMT-nin Bakı ofisi və Aİ ilə birgə əməkdaşlıq çərçivəsində 3 il ərzində həyata keçiriləcək:
"Avropa İttifaqı tərəfindən bu layihəyə qrant qismində təqribən bir milyon dollar ayrılacaq".
Qeyd edək ki, ABAD Azərbaycan Prezidenti İlham Əliyev tərəfindən irəli sürülən və 2016-cı il sentyabrın 23-də yaradılan publik hüquqi şəxsdir. Layihənin məqsədi kiçik və orta sahibkarlığın inkişafına, məşğulluq səviyyəsinin artırılmasına, rəqabətqabiliyyətli ailə təsərrüfatlarının formalaşdırılmasına, ölkədə regionların və kənd təsərrüfatının inkişafına dəstək verməkdir.