Bakı. Trend:
Moskva və Bakının Dağlıq Qarabağda dinlərarası və millətlərarası sülhün bərpası üçün şəraitin yaradılması ilə bağlı mövqeləri üst-üstə düşür.
Trend-in "TASS"a istinadən verdiyi məlumata görə, bunu Rusiya XİN rəhbəri Sergey Lavrov Rusiya nümayəndə heyətinin Azərbaycana səfərinin yekunları üzrə bildirib.
S.Lavrov deyib: "Dinlərarası, millətlərarası sülhün, bir yerdə yaşamanın və barışığın bərpası üçün şəraitin yaradılması zərurəti ilə bağlı mövqelərimiz tamamilə üst-üstə düşür".
XİN rəhbəri əlavə edib ki, bugünkü danışıqlar zamanı tərəflər buna töhfə verəcək və Rusiya Federasiyasının Azərbaycan və Ermənistan tərəfləri ilə birlikdə həyata keçirəcəyi bir sıra konkret istiqamətləri müzakirə ediblər.