...

Azərbaycanda İran səfirliyi varsa, Ocaq Necatinin fəaliyyəti nəyə lazımdır? - Deputat

Siyasət Materials 7 Oktyabr 2021 16:59
Azərbaycanda İran səfirliyi varsa, Ocaq Necatinin fəaliyyəti nəyə lazımdır? - Deputat

Trend-i buradan izləyin

Bakı. Elçin Mehdiyev - Trend:

İranın dini lideri Ayətullah Seyid Əli Xameneinin Azərbaycandakı nümayəndəsi Ocaq Necatın ölkəmizdə fəaliyyət göstərməsinə heç bir ehtiyac yoxdur.

Bunu Trend-ə Milli Məclisin deputatı Fəzail Ağamalı deyib.

Deputat bildirib ki, əgər İranın Azərbaycanda səfirliyi varsa, əlavə quruma heç bir ehtiyac yoxdur: “Yayılan məlumatlar da göstərir ki, son günlər İranın Azərbaycana qarşı təhdid və təzyiqləri dövründə Ocaq Necati dindarları öz ətrafında toplayaraq sosial şəbəkələrdə Azərbaycana qarşı təhdidlər yaymaqla məşğul olub. Bu məlumatlar araşdırılmalıdır və onun Azərbaycanda fəaliyyətinə son qoyulmalıdır.

Biz haqlı mövqedəyik. İranın Azərbaycana qarşı hətta erməni qədər düşmənçilik mövqeyi, onların hədə-qorxu xarakterli bəyanatları və Azərbaycanla sərhəddə hərbi təlimlərin keçirilməsi Azərbaycana qarşı düşmənçilik və qərəzli mövqenin ifadəsidir və bu, Azərbaycan cəmiyyəti tərəfindən qınanılır.

Azərbaycan güclü dövlətdir və Azərbaycana qarşı hədə-qorxu ilə nəyəsə nail olmaq mümkün deyil. İran Azərbaycan dövlətinin xalqın iradəsinə söykənən birmənalı mövqeyini nəzərə almalı və özünün məkirli planından əl çəkməlidir”.

Twitter: @ElchinMehdiyev

Məqalədə:
Xəbər lenti

Xəbər lenti