...

Azərbaycan XİN terrorçu Ambik Sassunyanın həbsdən azad edilməsini pisləyib

Siyasət Materials 30 Oktyabr 2021 19:02 (UTC +04:00)
Azərbaycan XİN terrorçu Ambik Sassunyanın həbsdən azad edilməsini pisləyib

Bakı. Trend:

ABŞ-ın Los-Anceles şəhərində 1982-ci ildə Türkiyə diplomatı Kamal Arıkanı qətlə yetirən erməni terrorçu, ASALA üzvü Ambik Sassunyanın həbsdən azad edilməsi qərarını pisləyirik. Bir terrorçunun azadlığa buraxılması təhlükəli olmaqla yanaşı, terrorçuluğun təşviq edilməsinə xidmət edir.

Trend-in məlumatına görə, bu barədə Azərbaycan Xarici İşlər Nazirliyinin Mətbuat xidməti idarəsinin rəisi Leyla Abdullayeva KİV-in erməni terrorçu Ambik Sassunyanın həbsdən azad edilməsi ilə bağlı sualına cavab olaraq bildirib.

"Həbsdə olarkən, 2012-ci ildə “Hay Zinvor” adlı erməni hərbi jurnalına verdiyi müsahibəsində A.Sassunyanın erməni əsgəri olduğu və Azərbaycanın o zaman işğal altında olan Qarabağ ərazisində döyüşməyə hazır olduğunu bildirməsi bu terrorçunun heç də islah olmadığını nümayiş etdirir.

Ermənistan KİV-də yayılmış məlumata əsasən bu ölkədə olduğu bildirilən terrorçunun hər-hansı şəkildə qəhrəmanlaşdırılması cəhdlərinin qarşısı alınmalıdır".

Məqalədə:
Xəbər lenti

Xəbər lenti