Bakı. Trend:
ABŞ prezidenti Co Bayden bu ay Səudiyyə Ərəbistanına səfər etmək və vəliəhd şahzadə Məhəmməd bin Salman Əl Səudla ilk dəfə görüşmək qərarına gəlib.
Trend-in məlumatına görə, bu barədə "The New York Times" qəzeti xəbər verib.
Bildirilib ki, Ağ Ev rəhbəri iki ölkə arasında 2018-ci ildə jurnalist Camal Qaşıqçının qətlindən sonra pisləşən münasibətləri bərpa etmək niyyətindədir.
C.Baydenin Ər-Riyada səfəri Avropa və İsrailə planlaşdırdığı səfərin çərçivəsində baş tutacaq.