Bakı. Trend:
Rusiyanın Azərbaycandakı səfirliyi ölkənin keçmiş dövlət katibi Gennadi Burbulisin Bakıda vəfat etməsi ilə bağlı məlumatı təsdiqləyib.
"Bizim konsulluq əməkdaşlarımız lazımi köməkliyi göstərir", - səfirlikdən Trend-ə bildirilib.
Qeyd edək ki, Rusiyanın keçmiş dövlət katibi, baş nazirin keçmiş birinci müavini və iki çağırış Dövlət Dumasının üzvü olmuş Gennadi Burbulis 77 yaşında Bakıda vəfat edib. Onun dəfnin vaxtı və yeri hələlik açıqlanmayıb.