Bakı. Trend:
Azərbaycan Xarici İşlər Nazirliyi (XİN) İndoneziyada baş verən zəlzələ ilə bağlı paylaşım edib.
Trend xəbər verir ki, paylaşımda deyilir: “Qərbi Yavada, İndoneziyada baş verən dağıdıcı zəlzələ xəbəri bizi dərindən kədərləndirdi. Həlak olanların ailələrinə dərin hüznlə başsağlığı verir, yaralananların tezliklə sağalmasını arzu edirik. Azərbaycan bu çətin gündə dost və qardaş İndoneziyanın yanındadır”.
Xatırladaq ki, noyabrın 21-də İndoneziyada baş verən güclü zəlzələ zamanı ölənlərin sayı 252-yə çatıb.