Bakı. Trend:
İƏT MDİHK nümayəndə heyətinin işğaldan azad edilmiş Ağdam rayonuna səfəri başlayıb.
Trend-in Qarabağ bürosu xəbər verir ki, Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın dəvəti əsasında ölkəmizdə səfərdə olan İslam Əməkdaşlıq Təşkilatının Müstəqil Daimi İnsan Hüquqları Komissiyasının (İƏT MDİHK) sədri Muhammad Laval Sulaimanın rəhbərlik etdiyi nümayəndə heyəti və Ombudsman aparatının əməkdaşları iştirak edir.
Səfər zamanı işğaldan azad edilmiş Ağdam rayonunda dağıdılmış dini obyektlərin və qəbiristanlıqların monitorinqinin davamı və yenidənqurma işləri ilə tanışlıq olacaq.
Qeyd edək ki, sentyabrın 6-na kimi ölkəmizdə səfərdə olacaq nümayəndə heyəti Ağdam, Füzuli rayonlarında və Gəncə şəhərində faktaraşdırıcı missiya keçirəcəklər.
