Bakı. Trend:
İnanırıq ki, Donald Trampın yeni prezidentlik dövründə Azərbaycan ilə ABŞ arasında münasibətlər daha da möhkəmlənəcək.
Trend xəbər verir ki, bu barədə Prezident İlham Əliyevin ABŞ-nin yeni seçilmiş prezidenti Donald Trampa ünvanladığı təbrik məktubunda deyilir.
"Biz Birləşmiş Ştatlar ilə qarşılıqlı fəaliyyətimizin böyük potensialından yararlanaraq ikitərəfli tərəfdaşlığımızı bütün sahələrdə, o cümlədən siyasi, iqtisadi-ticari, təhlükəsizlik, enerji, yaşıl və rəqəmsal keçid və digər istiqamətlər üzrə daha da genişləndirmək və dərinləşdirmək əzmindəyik. İnanırıq ki, Sizin yeni prezidentlik dövrünüzdə Azərbaycan ilə Birləşmiş Ştatlar arasında münasibətlər daha da möhkəmlənəcək, yeni əməkdaşlıq sahələri müəyyən olunacaqdır", - məktubda bildirilir.