"Azadlıq" bloku Ramazan bayramında da qarşıdurma yaratmağa cəhd göstərir". Bu barədə Trend ə hakim Yeni Azərbaycan Partiyasının (YAP) icra katibinin müavini, millət vəkili Mübariz Qurbanlı bildirib.
YAP rəsmisi onu da vurğulayıb ki, "Azadlıq" seçki blokunun yalnız özünün müəyyənləşdirdiyi ünvanda mitinq keçirməyə cəhd göstərməsi heç də xoşagələn hadisələrlə nəticələnmir: "Azadlıq" blokuna Bakı meriyası bir neçə marşrut təklif edib. Ancaq onlar bunun heç birinə razılıq vermirlər. Bu da onu göstərir ki, radikal müxalifət aksiya keçirməzdən öncə müəyyən planı üzərində iş aparır. Bu plan da heç vaxt onlara uğur gətirmir. İcazəsiz mitinq keçirənlər yaddan çıxarmamalıdırlar ki, həmin gün müqəddəs Ramazan bayramıdır".
M.Qurbanlı onu da vurğulayıb ki, polis qanun çərçivəsində hərəkət edərək, asayişin və insanların təhlükəsizliyinin qorunması məqsədilə icazəsiz aksiya keçirənləri həbs edir. Qanuna tabe olmayan radikal müxalifətçilərin bunu hüquqlarının pozulması kimi qələmə vermələrinin də müsbət nəticəsi olmur: "Yeni Azərbaycan Partiyası (YAP) hakim partiya olmasına baxmayaraq qanun çərçivəsində "Qələbə" meydanında mitinq-konsert keçirirsə, "Azadlıq" bloku buna niyə getmir? Görünür, burada başqa məqsədlər güdülür".
Qeyd edək ki, oktyabrın 4-də (Ramazan bayramı bu günə düşür) "Azadlıq" seçki blokuna N.Nərimanov adına parkda mitinq-konsert keçirməsi ilə bağlı Bakı meriyası icazə verməyib. Adıçəkilən blok isə bu qərarında israrlıdır.