Salyan rayon statistika idarəsinin 2005-ci ilin yanvar-dekabrında rayonun iqtisadi və sosial inkişafının makroiqtisadi göstəricilərinə dair açıqlamasında deyilir: "Salyanın elektrik təchizatını yaxşılaşdırmaq məqsədilə gücü 200 meqavatt olan bir transformatorlu Salyan yarımstansiyasının tikilməsi üçün 6,5 hektar torpaq sahəsi ayrılmış, "Azərenerji ASC tərəfindən tikinti-quraşdırma işlərinə başlanmışdır. "Salyan-plastik kütlə emalı" ASC iqtisadi İnkişaf Nazirliyi tərəfindən tam özəlləşdirilməsi üçün satışa çıxarılmış, elektrik-qaynaq avadanlığı və beton zavodunun bərpası üçün Nazirlər Kabinetinə məktub göndərmişdir.
Rayon əhalisinin sağlamlığını qorumaq məqsədilə 14 xəstəxana, 38 ambulator-poliklinika müəssisələri fəaliyyət göstərir ki, burada da 315 həkim, 807 orta tibb işçisi çalışır. Rayon əhalisinin hər 10 min nəfərinə 26,8 həkim,68,7 orta tibb heyəti, 116,7 xəstəxana çaprayısı düşür. İlkin səhiyyə xidmətləri layihəsinin həyata keçirildiyi 5 pilot rayonundan biri də Salyan rayonudur. Rayonda 35 müstəqil kitabxana, 100 rayon mədəniyyt evi, 5 şəhər klubu, 14 kənd mədəniyyət evi, 1 kinoteatr, 1 tarix-diyarşünaslıq muzeyi, rəsm qalereyası, uşaq-musiqi, incəsənət və rəssamlıq məktəbləri, 1 mədəniyyət və istirahət parkı fəaliyyət göstərir.
2004-2005 -ci dərs ilinin əvvəlində rayonda fəaliyyət göstərən 52 dövlət ümumtəhsil məktəbində 24 min 193 nəfər şagird təhsil almışdır. Şagird yerlərinin sayı 620 olan yeni sinif otaqları istifadəyə verilmişdir. Orta məktəblərdə 56 ədəd kompüter vardır. Onun 34-ü şəhərdə, 22-si isə kəndlərdədir. 2005-ci ildə ümumtəhsil məktəblərini 1516 nəfər bitirmiş və ümumi orta təhsil haqqında attestat almışdır. Rayonda bir lisey, bir orta tibb kolleci və 1 dövlət ali məktəbi fəaliyyət göstərir.
2005-ci ilin yanvar-dekabr aylarında Salyan rayonunuda qeydiyyatdan keçmiş 23 sənaye müəssisəsindən 11-i, yəni 47,8%-i, 54 fiziki şəxsdən 17-i nəfəri, yəni 31,5%-i fəaliyyət göstərmişdir. Hesabat dövründə rayonun sənaye müəssisələrində məhsul istehsalının və xidmətlərinin həcmi 102.450 milyon manat ( yeni manatla 20.490 min manat) olmuşdur. 2006-cı il yanvarın 1-nə rayonda məşğul əhlinin sayı 38,8 min nəfər olmuşdur. Orta aylıq əmək haqqı 417,2 manat təşkil etmiş, ötən illə müqayisədə 17,1% artmışdır. Ən yüksək orta aylıq əmək haqqı mədənçıxarma sənayevsində, nəqliyyat və rabitədə, tikintidə, elektrik enerjisi, qaz və su təchizatında, təhsildə və dövlət idarəetməsində olmuşdur.
2005-ci il yanvar ayının 1-nə Dövlət sosial müdafiə fondunun rayon şöbəsində 18 min 911 nəfər pensiyaçı qeydiyyatda olmuşdur. Onlardan 10 min 138 nəfəri ahıl, 2756 nəfəri əlil, 2437 nəfəri ailə başçısını itirmiş, 2580 nəfər sosial pensiya və iş stajına görə müavinət alan şəxslərdir. Təyin olunmuş aylıq pensiyaların orta məbləği 133 min 893 manatdır.