Yeni təsis olunmuş "Azadlıq" siyasi blokunun ali orqanları və digər strukturları gələn həftə formalaşdırılacaq. Bu barədə Trend ə blokda təmsil olunan Azərbaycan Demokrat Partiyasından (ADP) məlumat verilib.
Liderlərdən ibarət ali qurumun Sədrlər Şurası olacağı gözlənilir. Sədrlər Şurasında qərarlar konsensus yolu ilə qəbul ediləcək. Gələn həftə blokun iclaslarının, gündəlik iş istiqamətlərinin müəyyənləşdirilməsi də nəzərdə tutulub.
Qeyd edək ki, "Azadlıq" Siyasi Blokunda "Milli Birlik" Hərəkatı, Azərbaycan Xalq Cəbhəsi (islahatçılar), Azərbaycan Demokrat və Azərbaycan Milli İstiqlal partiyaları təmsil olunur.
Trend-in ən mühüm və maraqlı xəbərlərini "Telegram"da izləyin
