Bu gün təxminən saat 12 radələrində Gəncənin bir qrup sakini şəhərin mərkəzi küçələrindən olan Şah İsmayıl Xətai prospektində etiraz aksiyası keçirib. Təxminən 60-70 nəfərin qatıldığı aksiya nəticəsində prospekt 30 dəqiqə bağlı qalıb. Avtomobillərin hərəkəti dayandırılıb. Narazılığını bildirənlər Gəncənin 1 may, Rəfibəyli və Şıxlinski küçələrində yaşayanlar olub. Onları bu hərəkətə vadar edən isə təbii qazın olmamasıdır. Qeyd edək ki, bir neçə gün bundan əvvəl sözügedən küçələrdə qaz pulunun yığımı aşağı səviyyədə olduğuna görə təbii qaz verilməsi dayandırılmışdı. Aksiya yerinə Gəncə Qaz İstismarı idarəsinin rəisi Eldar Zeynalov da gəlib.
O, əraziyə qazı bərpa edəcəklərini vurğulayıb. "5 gün möhlət verəcəyik, əgər qaz pullarını sakinlər verməsələr yenidən onların qazların kəsəcəyik"- deyə idarənin rəisi bildirib. Aksiya Kəpəz rayon polis idarəsinin əməkdaşları tərəfindən dağıdılıb.
...
