Bu gün Göygöl qoruğunda Yer günü münasibətilə iməcilik keçirilib. Qoruğun direktoru Bilal Əliyevin bildirdiyinə görə, iməcilik nəticəsində gün ərzində qoruğun müəyyən ərazilərində ağacların qurumuş budaqları kəsilərək götürüləcək, gölün ətrafındakı zibillər yığılaraq ərazidən kənarlaşdırılacaq.
Bilal Əliyev bildirib ki, belə tədbirləri tez-tez keçirirlər. Lakin meşəyə gələnlər təbiət gözəlliyini pozaraq ətrafı çirkləndirirlər. Direktor əlavə edib ki, Göygöl respublikamızın səfalı yerlərindəndir, qoruğun fauna və florasını qorumaq üçün müəssə əlindən gələn hər şeyi edir.
