Apreldin 17-dən Kürdə başlanan daşqınlar 20 gün ərzində suyun səviyyəsini rekord həddə - 3 metr 20 sm-ə çatdırıb. Hazırda Kür çayından 1 saniyədə 1000 m3 su axır ki, sonuncu dəfə belə hall 2002-ci ildə baş verib. İndi Kürün aşağı axınında yerləşən Salyan rayonunun sahil boyunca yerləşən 20 yaşayış məntəqəsinin 100-lərlə həyətini qrunt suyu basıb. Ziyançəkən həyətlərdə göy-göyərti əkinləri tamamilə məhv olub. Rayonun Tuxanlı kəndində isə 70 hektara yaxın taxıl, pambıq və yonca əkinləri su altında qalıb. Havaların getdikcə istiləşməsi isə su basmış həyətləri xəstəlik mənbəyinə çevirib. Lakin Salyan Gigiyena və epidemioloji mərkəzindən bildirirlər ki, dezinfeksiyaedici preparatlar toz şəklində olduğu üçün antisanitariya vəziyyəti hökm sürən su basmış həyətləri yalnız quruduqdan sonra dərmanlamaq mümkündür. Hazırda Salyan rayon İcra Hakimiyyəti iki yanğınsöndürən maşın və 7 elektrik nasosunun vasitəsilə qrunt sularını həyətlərdən çəkməyə çalıışsa da, köməyi olmur, çünki çəkilmiş suyun yerinə bir neçə saatdan sonr
a yeni qrunt su kütləsi dolur. Kürün səviyyəsi isə daha 30-50 sm qalxarsa, nəinki həyətlərə dolmuş qrunt sularının kəskin şəkildə artması, hətta qoruyucu sahil bəndlərini dağıtmaq təhlükəsi də yaranacaq. Kür boyunca yerləşən yaşayış məntəqələrinin minlərllə sakini artıq beşinci ildir ki, ilin 6-7 ayını Kür daşqınlarına məruz qaldıqları üçün normal yaşayış şəraitinin pozulmasından bezditklərini bildirir, yeni yaradılmış Respuublika fövqaldadə hallar nazirliyindən problemin birdəfəlk həlli üçün konkret işlər gözləyirlər.
...