Mayın 11-də Azərbaycan prezidenti İlham Əliyev ATƏT-in Demokratik Təsisatlar və İnsan Haqları Bürosunun (DTİHB) səfir Gert Arensin rəhbərlik etdiyi müşahidə missiyasını qəbul edib. Bu barədə Trend məlumat verib.
Azərbaycan dövlətinin rəhbəri qeyd edib ki, mayın 13-də Azərbaycanın Milli Məclisinə təkrar seçkilərə hazırlıq üzrə işlər davam edir.
Öz növbəsində, G.Arens qeyd edib ki, Azərbaycana səfəri zamanı bir sıra məhsuldar görüşlər keçirib. Qonaq dövlət başçısına müşahidə missiyası ilə sıx əməkdaşlıqla bağlı minnətdarlığını bildirib.