...

İnqilab Əhmədov: Azərbaycanın neft gəlirlərindən istifadə təcrübəsi böyük beynəlxalq maraq doğurur

Siyasət Materials 11 May 2006 18:40 (UTC +04:00)
İnqilab Əhmədov: Azərbaycanın neft gəlirlərindən istifadə təcrübəsi böyük beynəlxalq maraq doğurur

Trend-i buradan izləyin

Mayın 5-6-da Kil Beynəlxalq İqtisadiyyat İnstitutunda (The Kiel Institute for the World Economy) "Azərbaycan və Qazaxıstanın misalında zəngin ehtiyatlara malik ölkələrin siyasi-iqtisadi çığırışları" mövzusunda konfrans keçirilib. Tədbirdə Azərbaycan tərəfdən ictimai maliyyə monitorinq mərkəzinin rəhbəri İnqilab Əhmədov iştirak edib.

İ.Əhmədovun Trend ə verdiyi məlumata görə, görüş zamanı dövlətlə neft şirkətləri arasında rentaların bölüşdürülməsi, neft gəlirlərinin makroiqtisadi idarə olunması, Azərbaycan və Qazaxıstanın neft fondlarının fəaliyyəti müzakirə olunub.

BVF-nun mütəxəssislərinin, tədqiqat mərkəzlərinin politoloqlarının iştirakı ilə keçirilən konfransda İ.Əhmədov rentaların bölüşdürülməsi məsələləri ilə bağlı çıxış edib. Çıxışda "Azəri-Çıraq-Günəşli"nin timsalında PSA tipli müqavilələr məsələsinə xüsusi olaraq toxunulub.

"Görüş zamanı müxtəlif təşkilatların mütəxəssisləri və politoloqları Azərbaycanın neftdən gələn gəlirlərinin idarə olunmasının maraqlı, etimada layiq təcrübəsini etiraf ediblər", - deyə İ.Əhmədov bildirib.

Görüş neft gəlirləri, bu istiqamətdə iqtisadi və siyasi aspektlərə həsr olunmuş ikiillik layihə çərçivəsində mümkün olub. Görüşün nəticələri üzrə institut materialların toplusunu dərc etmək niyyətindədir.

Xəbər lenti

Xəbər lenti