Son üç gün ərzində Kür çayının səviyyəsinin daha 50 sm düşməsi aşağı axında yerləşən Salyan rayonunun mərkəzində qrunt sularının 100-lərlə həyətdən özbaşına çəkilməsinə səbəb olub. Hazırda qrunt sularının hələ də qaldığı həyətlərin sayı 20-yə qədərdir. Belə getsə, yaxın 5 gün ərzində həmin həyətlərdən su təbii yolla çəkiləcək. İndi əsas problem odur ki, kanalizasiya sistemi şəhərin yalnız 20%-ni əhatə etdiyindən, daşqınlar zamanı həyətlərə dolan qrunt suları dərələrə axıdılan sulara qarışaraq çirkaba çevrilib. Evlərin zirzəmi və həyətlərindəki qrunt suları çkildikdən sonra yerdə çirkab təbəqəsi qalıb. Bu isə yolxucu xəstəliklərin əsas mənbəyidir. Xüsusilə malyariyaya həssas olan Salyanda daşqınlar səngidikdən sonra, həyətlərdə ağcaqanadların və digər həşəratların çoxalması narahatlııq doğurur. Subasmalar zamanı sakinlərin həyətlərindəki içməli su hövuzlarını da çirkab sularının basmasını nəzərə alsaq, əhalinin sanitar vəziyyətdən narahatlığı əsaslı görünür. Salyan Gigiyena və Epidemiologiya Mərkzindən isə hə
lə daşqınlar zamanı bildirirdilər ki, qrunt suları çəkilməmiş dezinfeksiya işləri aparmaq olmaz.
Vəziyyətlə əlaqədar, bizə müsahibə verən mərkəzin baş həkimi Mirəddin Ağayevin dediyinə görə: "Yaranmış vəziyyətlə əlaqədar, Səhiyyə nazirliyinə məruzə edilib və yerdə tədbirlər planı hazırlanıb. Bundan başqa, Salyan rayon icra hakimiyyəti də nazirliyə kömək üçün müraciət edib. Gözlənilir ki, dezinfeksiya işlərini geniş miqyasda aparmaq üçün lazım olan preparatlar sabah Salyana çatdırılacanq. Hazırda ən pis sanitar vəziyyətin olduğu 500 həyətin ünvanı var. Ehtiyatımızda olan xlorlu əhəngdən istifadə etməklə, sabahdan dezinfeksiya işlərinə başlayacağıq. İndən başqa vətəndaşlara da müraciət etmişik ki, əgər dezinfeksiya işləri aparılması üçün bizim tərtib etdiyimiz siyahıya həyətləri düşməyibsə, müraciət etsələr, xiidmətimiz dərhal öz işini görəcək. - baş həkim söyləmişdir.
