Dünya bankı rəhbərliyi Azərbaycana $100 mln məbləğində 3 yeni kreditin ayrılmasını təqdir edib.
Trend in bankın mətbuat xidmətinə istinadən xəbər verdiyi kimi, $50 mln məbləğində 1-ci kredit respbulikanın səhiyyə sistemində islahatların dəstəklənməsinə yönəldilib. $21,6 mln məbləğində 2-ci kredit Azərbaycanın hüquq sistemində aparılacaq islahatlar çərçivəsində istifadə olunacaq. 3-cü kredit ($28,5 mln) ölkənin aqrar sektorunda fərdi fermerlərin dəstəklənməsi istiqamətində həyata keçiriləcək islahatlara yönəldiləcək.
Kreditlər Azərbaycana BİA xətti ilə veriləcək. Azərbaycan DB-yə 1992-ci ildə daxil olub və o vaxtdan bəri ölkəyə 32 proqram çərçivəsində $811 mln məbləğində kredit ayrılıb.