Azərbaycan, Türkiyə və Gürcüstan prezidentləri, o cümlədən Türkiyənin baş naziri "İncirlik" hərbi bazasına gəlib. Trend in Türkiyə KİV-nə istinadən xəbər verdiyi kimi, prezidentlərin təyyarəsi yerli vaxtla saat 11:20-də NATO-nun İncirlik hərbi bazasında yerə enib.
Daha sonra dövlət başçıları 30 zirehli maşının müşayiəti ilə Ceyhandakı Heydər Əliyev terminalına yola düşüb.
Məlumata görə, dövlət başçılarının Bakı-Tiflis-Ceyhan neft kəmərinin rəsmi açılış mərasimində iştirak etmək üçün hərəkət etdiyi Adana-Ceyhan magistralı başqa nəqliyyat vasitələri üçün tamamilə bağlanıb.
Bütün yol boyu Türkiyənin xüsusi təyinatlı dəstələri yerləşdirilib. Eyni zamanda içərisində digər hörmətli qonaqların olduğu avtobuslar Adana şəhərindən çıxıb.