"Gəncənin orta məktəbləri ilə ilkin tanışlıq məndə heç də yaxşı təəssürat yaratmadı". Trend ə eksklüziv müsahibə verən Gəncə şəhər Təhsil İdarəsinin yeni rəisi Mahal Əliyevin sözlərinə görə, şəhərin orta məktəblərinin maddi-texniki bazaları çox bərbad vəziyyətdədir: "Belə ki, 2004-2005-ci ildə Dövlət Proqramında nəzərdə tutulan işlərin heç biri görülməyib. Bu da sonda məktəblərin bərbad vəziyyətə düşməsinə gətirib çıxarıb. Yalnız bu il Proqrama uyğun olaraq 1 məktəb tikilir, bir neçəsi isə əsaslı təmir olunur".
M. Əliyev onu da bildirib ki, Gəncənin orta məktəblərində müəllim sıxlığı da yaranıb. "Bir müəllimə 12 saat dərs norması düşdüyü halda, şəhərin elə ümumtəhsil məktəbləri var ki, burada hər müəllimə 6-7 saat dərs düşür".
M.Əliyev qeyd edib ki, bundan sonra idarə müəllim qəbulunda daha diqqətli olacaq.
