Naxçıvan Muxtar Respublikası Ali Məclisinin sədri Vasif Talıbov dünən Hindistanın ölkəmizdəki səfiri Syoti Svarup Panti ilə görüşüb. Ölkəmizdəki diplomatik missiyasını başa vurub bu il Azərbaycandan ayrılacağını, Naxçıvana səfərinin diplomatik vida xarakteri daşıdığını bildirən səfir missiyası dövründə Azərbaycan-Hindistan əlaqələrinin daha da inkişaf etdirilməsi üçün müəyyən işlər gördüyünü və bundan məmnunluq duyduğunu qeyd edib.
Qonaq 3 il əvvəl də Naxçıvana gəldiyini, Ali Məclisin sədri ilə görüşdüyünü xatırlayıb, burada gedən quruculuq işlərindən xoş təəssürat aldığını bildirib. Səfir gənc, müstəqil, firavan Azərbaycan Respublikasının tezliklə iqtisadi cəhətdən dünyanın ən inkişaf etmiş ölkələri sırasına çıxacağına əmin olduğunu bildirib.
...
