Azərbaycan prezidenti İlham Əliyev sentyabrın 22-dən Almaniyadadır və burada Beynəlxalq Bertelsman forumunda iştirak edir. Bu barədə Trend xəbər verir.
Dövlət başçısının bugünkü səfər proqramına Gürcüstan parlamentinin sədri Nino Burcanadze ilə görüşlərin keçirilməsi daxildir.
İlham Əliyev Avropanın gələcəyinə həsr olunmuş Beynəlxalq Bertelsman forumunda iştirak edəcək. Prezident Almaniyanın federal xarici işlər naziri Frank-Valter Ştaynmayer, federal kansler Angela Merkel, ABŞ-ın keçmiş dövlət katibi Henri Kissencerlə görüşəcək. Axşam dövlət başçısı Bertelsman Fonduna baş çəkəcək və qəbulda iştirak edəcək.
Sentyabrın 23-də prezident İlham Əliyev Azərbaycanın Almaniyadakı səfirliyində olacaq və səfirliyin yeni binası ilə tanış olacaq.