Ötən ay Gəncə şəhərində istifadə edilən elektrik enerjisi haqqının yığımı 63% təşkil edib. Bu barədə məlumatı Trendin Qərb bürosuna Gəncə Regional Enerji Təchizat MMC-nin mətbuat xidmətinin rəisi Rafiq Abdullayev verib.
Onun sözlərinə görə, bu il əhalidən yığılan elektrik enerjisinin pulları 201 542 AZN təşkil edir ki, bu da ötən ilin eyni dövrü ilə müqayisədə çoxdur. Müsahib bildirdi ki, ötən ilin oktyabr ayında şəhərdə yığım 125 500 AZN təşkil edib.
R. Abdullayevin sözlərinə görə, ilin sonuna kimi Gəncədə sayğaclaşma işi də başa çatacaq. Belə ki, hazırda 66 000 abonentdən 63 500-nün mənzilinə sayğac quraşdırılıb. Bu da abonentlərin 96 %-ni təşkil edir.
