AMEA-nın Naxçıvan Bölməsindən indiyədək 579 abidə qeydə alındığı bildirilir. Trend in Naxçıvan Bürosu xəbər verir ki, iqlimin soyuqlaşması ilə əlaqədar pasportlaşdırma işləri müvəqqəti olaraq dayandırılıb.
Bölmənin əməkdaşları Culfa, Kəngərli, Şərur və Şahbuz rayonlarında pasportlaşdırma işlərini başa çatdırıb. Babək və Ordubad rayonlarında da bu istiqamətdə işlər aparılaraq bir sıra abidələr qeydə alınıb.
AMEA-nın Naxçıvan Bölməsinin şöbə müdiri, tarix elmləri doktoru Vəli Baxşəliyev Trend ə bildirib ki, pasportlaşdırma işlərinin növbəti mərhələsi gələn ilin aprel ayından başlanacaq.
Qeyd edək ki, Naxçıvan MR ərazisində tarix və mədəniyyət abidələrinin qeydə alınması və pasportlaşdırılması tədbirləri cari ilin aprel ayından etibarən həyata keçirilir.
...
