Ağdamın Orta Qışlaq kəndində iri buynuzlu mal-qara arasında yayılan xəstəliyi sakinlər dabaq olduğunu bildirir. Trend in bölgə müxbirinin məlumatına görə, kənd sakinləri bildirirlər ki, sözügedən xəstəlik bu günə gədər ərazidə olmayıb. Bir neçə gün bundan öncə Bərdə bazarından kənd sakinlərinin aldığı bir neçə baş iribuynuzlu mal-qara dabaq xəstəliyi olduğu üçün digər heyvanlara da yayılıb.
Kənd sakinləri Məxmər Bağırov və Qorxmaz Səfərov Trend ə müsahibəsində bildirdilər ki, onlar Bərdə bazarının iribuynuzlu heyvan alıb və aldıqları heyvanda dabaq olduğu üçün xəstəlik başqa heyvanlara da yoluxub. Bununla bağlı heyvanlar arasında peyvəndləmə aparılsa da heç bir nəticəsi yoxdur. Hazırda kənd sakinləri xəstəliyə tutulmuş heyvanları tövlədə saxlayır.
Məsələyə münasibət bildirən Ağdam rayon Baytarlıq İdarəsinin rəisi Fərhad Bəxtiyarov kənddə dabaq xəstəliyinin olmadığını və xəstəliklə bağlı hər 6 aydan bir rayonda peyvəndləmə aparıldığını bildirdi. Kənd sakinlərinin sözlərini şaiyədən başqa heç bir şey olmadığını və bununla maraqlanacağıqını qeyd etdi.
Heyvanların Bərdə bazarından alınmasına münasibət bildirən Bərdə rayon Baytarlıq İdarəsinin rəisi Aydın Məmmədov Bərdə bazarında tək Bərdə heyvanlarının yox, bir neçə rayon mal-qarasının gətirib satıldığını bildirdi və heyvan alan şəxslərdə aldıqları heyvanın hansı rayona və kimə məxsus olması barədə xüsusi arayışı olmalıdır. Və bununla da təyin olmalıdır ki, heyvanlar hansı rayona məxsusdur.