Bu il Qərb bölcəsində keçirilən 45 əməliyyat nəticəsində 37 kiloqram narkotik maddə tutulub. Trend in Qərb bürosuna bu haqda məlumatı Daxili İşlər Nazirliyinin Baş Narkotiklə Mübarizə İdarəsinin Qərb bölgəsi üzrə regional şöbəsinin rəis əvəzi, polis polkovnik -leytenantı Rafael İsmayılov verib.
Onun sözlərinə görə, əməliyyat tədbirləri nəticəsində 71 ton narkotik maddə yetişdirilən sahə yandırılıb. Bundan başqa R. İsmayılov bildirib ki, 37 kq narkotik maddənin 1 kiloqramı herion, 8 qramı tiryək, yerdə qalanları isə marixuanadır.
Rəis əvəzinin sözlərinə görə, tutulan şəxslərin 11 nəfəri əvvələr də bir neçə dəfə məhkum olunub, 35 nəfər isə ilk dəfə məsüliyyətə cəlb olunub.