Ağcəbədi rayonunun Ovşaq kəndinin sakini 43 yaşlı Rafiq Səfiyevin evində bir kiloqram heroin aşkarlanıb. Bu barədə Trendə məlumat verən Narkotiklərlə Mübarizə İdarəsinin Qərb Regional şöbəsinin rəisi Ədalət Abbasov bildirib ki, Rafiq Səfiyev 5 000 ABŞ dollarına 200 qram heroini şərti alıcı qismində iştirak edən polis əməkdaşına satarkən yaxalanıb.
Polisə ifadə verən Rafiq Səfiyev nakrotik maddə satıb qazanc əldə etməsini etiraf edib.
Ə. Abbasovun sözlərinə görə, bir kiloqram heroinin qara bazarda qiməti 40 000 ABŞ dolları civarındadır. Müsahib onu da əlavə edib ki, heroin bağlamasının üzərində xırda ərəb əlifbası ilə yazı var. Hazırda istintaq heroinin haradan gətirildiyini müəyənləşdirir. Faktla bağlı materiallar və sübut Mütəşəkkil Cinayətkarlıqla Mübarizə İdarəsinin istintaq şöbəsinə verilib.