Rusiyada miqrasiya haqqında yeni qanunun icrasına başlanması ilə əlaqədar soydaşlarımıza hüquqi yardımlar üçün Azərbaycanın Sankt-Peterburqdakı Baş Konsulu Qüdsi Osmanov şəhərin ayrı-ayrı bölgələrinə nümayəndələr ezam edəcək. Bu barədə Trend ə Q.Osmanov məlumat verib.
O bildirib ki, sabahdan Baş Konsulluğun hüquqşünasları, konsulları vilayətlərə ezam olunacaq, azərbaycanlılarla görüşlər keçirəcək, onların hər hansı problemlərlə üzləşib-üzləşmədiklərini öyrənəcəklər. Baş Konsul Q.Osmanov artıq Murmansk, Arxanqelsk vilayətlərinin müvafiq qurumları ilə danışıqlar aparıb.
Qeyd edək ki, Rusiya prezidentinin sərəncamına əsasən, qeyri-leqal yaşayan miqrantlar ölkədən deportasiya olunurlar.