Mərkəzi Seçki Komissiyası (MSK) dairə seçki komissiyalarının fəaliyyətinin monitorinqi zamanı ciddi qanun pozuntuları aşkarlayarsa, müvafiq cəza tədbirləri görüləcək. Bu barədə Trend ə MSK-nın katibi Natiq Məmmədov məlumat verib.
Qeyd edək ki, MSK dairə seçki komissiyalarının fəaliyyətinin monitorinqinə başlayıb. N.Məmmədovun sözlərinə görə, indiyədək 64 dairənin fəaliyyəti yoxlanılıb. O əlavə edib ki, monitorinqlər yaxın 1-2 ay ərzində başa çatdırılacaq. Dairələrin fəaliyyətinin monitorinqinə dair MSK-nın iclası da keçirilə bilər: "MSK dairə seçki komissiyalarının fəaliyyətini qiymətiləndirmək üçün meyarlar müəyyən edib. Hər bir qanun pozuntusunun xarakterinə uyğun tədbirlər müəyyənləşməlidir. Hazırda bu faktlar araşdırılır".