Müxalifətyönlü partiyaları birləşdirən "Bizim Azərbaycan" bloku ölkədə fəaliyyət göstərən siyasi partiyalar arasında dialoq qurulması ideyasını dəstəklədiyini bəyan edib. Bu barədə Trend ə blokun Məclis sədri Həsən Həsənov məlumat verib.
Blokun Sədrlər Şurasının toplantısında dialoq təşəbbüsü dəstəklənib, lakin bu təşəbbüsün siyasi alverə çevrilməsinin əleyhinə olduqları vurğulanıb. "Bizim Azərbaycan" bloku hesab edir ki, siyasi dialoq xalqın ümummilli problemləri ətrafında aparılmalıdır.
Blokun Məclisinə yeni üzvlər də qəbul edilib. 1993-cü ildə keçirilmiş seçkilərdə prezidentliyə namizəd olmuş Zakir Tağıyev, "Müharibə Veteranları Qadınlarına Sosial Yardım" İctimai Birliyinin rəhbəri Radə Abbas, Şəhid Ailələri Cəmiyyətinin sədri Almaz Zeynalova blokun Məclis üzvlüyünə qəbul edilib.
