...

Bakı Şəhər İcra Hakimiyyəti AMİP-in piketinə icazə verməyib

Siyasət Materials 15 Fevral 2007 13:16 (UTC +04:00)

Bakı Şəhər İcra Hakimiyyəti müxalifətyönlü Azərbaycan Milli İstiqlal Partiyasının (AMİP) İran İslam Respublikasının Bakıdakı səfərliyi qarşısında keçirmək istədiyi piketə icazə verməyib. Bu barədə Trend ə AMİP-dən məlumat verilib.

"Meriyanın icazə verməməsinə baxmayaraq AMİP fevralın 16-da saat 13.00-da İranın Azərbaycandakı səfirliyi qarşısında aksiya keçirəcək", -deyə partiyadan verilən məlumatda bildirilib.

Piketdə Cənubi Azərbaycanda yaşayan soydaşlarımıza qarşı İranın hakimiyyət orqanları tərəfindən edilən təzyiqlərin dayandırılması, öz hüquqlarını tələb etdiyinə görə həbs olunan azərbaycanlıların azadlığa buraxılması, soydaşlarımızın milli hüquqlarının təmin olunmasına dair şüarlar səsləndiriləcək.

Qeyd edək ki, AMİP bu tələblərlə İranın Bakıdakı diplomatik nümayəndəliyi qarşısında bir neçə dəfə aksiya keçirib.

Qeyd edək ki, AMİP 1992-ci ildə yaradılan və Azərbaycanda ilk dövlət qeydiyyatına alınan partiyadır. Müxalifəti təmsil edən AMİP-in qurucusu və 2004-cü ilin sonunadək sədri olan Etibar Məmmədov hazırda Beynəlxalq Demokrat İttifaqının (BDİ) sədr müavinidir

Xəbər lenti

Xəbər lenti