Azərbaycan, Bakı / Trend müxbir İ.Əlizadə/ Hökümət Milli Məclisə hesabat verərkən enerjidaşıyıcıların qiymətlərinin artırılmasından sonra yaranmış vəziyyət ciddi şəkildə müzakirə olunacaq. Milli Məclisin sədri Oqtay Əsədov bildirib ki, hökümətin 2006-cı ilin sosial - iqtisadi yekunları ilə bağlı hesabatında bu məsələyə geniş yer verilib.
Deputat Pənah Hüseyn isə təklif edib ki, bu məsələ qanunverici orqanın ayrıca iclasında müzakirə olunsun. O qeyd edib ki, enerjidaşıyıcıların qiymətinin artırılmasından sonra yerlərdə gərgin vəziyyət yaranıb. Abunəçilərdən yığılan vəsaitlərin həcmi aşağı düşüb.
Deputat İqbal Ağazadə isə deyib ki, enerjidaşıyıcıların qiymətinə yenidən baxılması zəruridir.