Azərbaycan, Bakı / Trend müxbir S.İlhamqızı/ ADP "Azadlıq" blokundan xaric edildi. Bu barədə "Azadlıq" blokunun martın 6-da keçirilən iclasında qərar qəbul olunub. Blokun məsələ ilə bağlı bəyanatında deyilir: "ADP "Azadlıq" blokunun Əsasnaməsinin 2.3-cü bəndində müəyyənləşdirilmiş "Bütün məsələlər barəsində öz fəaliyyətlərini əlaqələndirmək, ölkənin ictimai-siyasi həyatının aktual məsələlərini birlikdə müzakirə edərək vahid mövqedən çıxış etmək" öhdəliyini pozuduğu üçün, həmçinin blokun vahid siyasi xəttinə zidd fəaliyyət göstərdiyinə, blok rəhbərliyinin ADP-nin bütövlüyü naminə təklif etdiyi kompromislərdən imtina etdiyinə görə ADP-nin "Azadlıq" blokunda fəaliyyətinin dayandırılması haqda qərar qəbul olundu".
...
