Azərbaycan, Bakı / Trend müxbir İ.Əlizadə/ Torpaqları qanunsuz zəbt etmiş şəxslərlə bağlı cəzaların sərtləşdirilməsinə ehtiyac var. Milli Məclisin aqrar-siyasət komissiyasının sədri Eldar İbrahimov bazar ertəsi bildirib ki, zəbt olunan torpaqlara görə verilən cəzalar yüngul olduğuna görə, belə halların artması müşahidə olunur: "Bunun qarşısını almaq üçün Cinayət Məcəlləsində və İnzibati Xətalar Məcəlləsində müvafiq dəyişiklik edilməlidir".
E.İbrahimov qeyd edib ki, bu məsələni parlamentin Hüquq siyasəti və dövlət quruculuğu daimi komissiyasının sədri Əli Hüseynovla müzakirə edib, məsələ qaldıracaqlar.