Azərbaycan, Bakı / Trend müxbir S.İlhamqızı/ Bazar ertəsi Bakıda Gürcüstan Azərbaycanlılarının Milli Assambleyası (GAMA) Ali Məclisinin ilk iclası kecirilib. Bu barədə GAMA-dan məlumat verilib.
Eyni vaxtda GAMA Mərkəzi Nəzarət Palatasının iclası kecirilib.
15-16 martda Türkiyənin Trabzon şəhərində GAMA-nın dördüncü qurultayı keçirilmiş və yeni Ali Məclis və Mərkəzi Nəzarət Palatası seçilmişdi.
Ali Məclisin iclasında Gürcüstanda yaşayan azərbaycanlıların sosial-iqtisadi problemləri, torpaq islahatının vəziyyəti, azərbaycandilli təhsilin pilləli ləğvinə yönəldilmiş dovlət siyasəti və Borçali bölgəsində suvarma-meliorasiya sisteminin durumu müzakirə edilib.
İclasda GAMA Ali Məclisinin sədri, icracı katibi, Mərkəzi Nəzarət Palatasının başçısı seçilib.