Azərbaycan, Lənkəran/ Trend müxbir P.Əliyeva/ Lənkəran rayon Polis Şöbəsinin əməkdaşları rayonda bir neçə soyğunçuluq faktı ilə axtarışda olan Lənkəran şəhər sakini Asif Mirzə oğlu Məmmədovu tutublar. Şöbənin baş müstəntiqi Nurəddin Heydərovun cümə axşamı bildirdiyinə görə, saxlanılan şəxs istintaqa ifadəsində ötən və bu il ərzində bir neçə oğurluq törətdiyini deyib. İstintaqın gedişində soyğunçuluq və oğurluq yolu ilə qarət edilmiş əşyalar maddi sübut kimi götürülüb.
Onun evinə baxış zamanı müxtəlif bükümlərdə olan bitki toxumları aşkarlanıb. Bitki toxumlarını narkotik tərkibli olması ehtimalını yoxlamaq üçün ekspertizaya göndərilib. Məmmədov barəsində həbs-qəti imkan tədbiri seçilib və barəsində Cinayət Məcəlləsinin 180.2.4 maddəsi ilə (soyğunçuluq) cinayət işi başlanılıb.
Lənkəran rayonu Bakıdan 268 kilometr cənubda yerləşir. Əhalisi 201 min 500 nəfərdir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
