Azərbaycan, Bakı / Trend müxbir S.İlhamqızı/ Sosialist İnternasionalının baş katibi Luis Ayala Azərbaycan Sosial Demokrat Partiyasının (ASDP) dəvəti ilə Bakıda səfərdə olacaq. Bu barədə cümə günü ASDP-dən məlumat verilib.
Sosinternin baş katibi Bakıya iyunun 25-də gələcək. Səfər zamanı Luis Ayalanın ASDP-nin rəhbərliyi, partiya fəalları və digərləri ilə görüşləri nəzərdə tutulur.
ASDP sol təmayüllü müxalifət partiyasıdır. Partiyanın həmsədri Araz Əlizadə, digər həmsədri isə Azərbaycanın eks-prezidenti, hazırda mühacirətdə yaşayan Ayaz Mütəllibovdur. ASDP Sosialist İnternasionalda təmsil olunur.