Azərbaycan, Lənkəran, 03 mart / Trend ", müxbir P.Əliyeva/ Lənkəran rayonunda yanvar-fevral aylarında 22 vərəmli xəstə qeydə alınıb. Bu barədə bazar ertəsi "Tren News"a Lənkəran rayonlararası Ağ-Ciyər Xəstəlikləri Dispanserinin baş həkimi Telman Əliyev məlumat verib.
Ötən ilin müvafiq dövründə Lənkəranda 24 vərəmli xəstə qeydə alınıb. 2007-ci ildə qeydə alınan 146 vərəmli xəstədən 8-i ölüb.
Əliyev bildirib ki, Lənkəranda qeydiyyatda olan 1292 vərəmli xəstədən üçdə-biri qadındır. 12 nəfəri isə 14 yaşına qədər olan uşaqlardır. Baş həkim deyib ki, vərəmli xəstələrin əksəriyyəti narkomanlar, həbsxana həyatı yaşayanlardır.
Lənkəran paytaxt Bakıdan 270 kilometr cənubda yerləşir.