Azərbaycan, Bakı, 13 may / Trend , müxbir C.Babayeva/ Milli Qeyri-Hökumət Təşkilatları Forumunun(MQHF) rəhbər orqanlarına namizədlər iyunun 20- dək irəli sürülə bilər. Trend -un məlumatına əsasən, bu barədə çərşənbə axşamı MQHF- nin sədr əvəzi Rauf Zeyni məlumat verib.
Milli QHT Forumunun keçmiş prezidenti Azay Quliyev Prezident yanında Qeyri-Hökumət Təşkilatlarına Dövlət Dəstəyi Şurasına sədr seçildiyinə görə, istefa verib. VII növbədənkənar qurultaya qədər sədrin səlahiyyətlərinin icra olunması Rauf Zeyniyə həvalə olunub.
Zeyninin sözlərinə görə, namizədliklərini yalnız Milli QHT Forumuna üzv QHT-lər irəli sürə bilər. Namizədlərin qeydiyyata alınması üçün QHT-lər İdarə Heyətinin qərarını və ərizəni Təşkilat Komitəsinə təqdim etməlidir.
Zeyninin bildirdiyinə görə, qurultaya hazırlıq üzrə 7 nəfərdən ibarət Təşkilat Komitəsi yaradılıb.
Milli QHT Forumunun VII növbədənkənar hesabat-seçki qurultayı iyulun 2- də keçiriləcək. Qurultayın keçiriləcəyi yer hələ müəyyənləşməyib. Qurultayda MQHF-nin bütün rəhbər orqanlarına - prezident, İdarə Heyəti və Nəzarət-Təftiş Komissiyasına seçkilər keçiriləcək. Milli QHT Forumuna 450 QHT üzvdür. Forumun rəhbər orqanları dörd il müddətinə seçilir.
Məqalə müəllifi ilə əlaqə saxlamaq üçün ünvan - trend
