Azərbaycan,Qazax,30 may / Trend , müxbir N.Fətullayeva/ Dünən axşam başlayan güclü külək Ağstafa rayonunu işıqsız qoyub.Bu barədə Trend -a rayon icra hakimiyyəti başçısının müavini Ramiz Tatarov məlumat verib.
İcra başçısının müavini bildirib ki, külək 60-dan çox evin dam örtükləri və pəncərələrini uçurub.
Saat 18.00 radələrindən başlayan küləyin sürəti saniyədə 28-30 metrə çatıb.
Rayonun 29 kəndinin elektrik dirəkləri aşdığından rayonun bütün kəndlərdə elektrik kəsilib.
Rayon mərkəzinin isə yarısı işıqsız qalıb. Külək bütün tetekommunikasiya xətlərini də sıradan çıxarıb. Axşam saat 11-dək rayonda nəqliyyatın hərəkəti tamamən dayandırılıb.
Küləyin təsərrüfatlara və rayona vurduğu ziyanın məbləğini Föqəladə hallar komissiyasının nümayəndələri tərəfindən müəyyənləşdirilir.
Tovuz rayonunda da güclü külək rayonun kəndlərinin 80 faizini işıqsız qoyub. Rayon mərkəzindən kəndlərə gediş-gəliş başlanıb. 30 ağac kökundən qopub və kənd təsərrüfatına ciddi ziyan dəyib.
Müəlliflə əlaqə saxlamaq üçün elektron ünvan - [email protected]
