Azərbaycan, Bakı, 11 iyun / Trend , müxbir R.Ergün/ Azərbaycanın futbol üzrə Premyer-Liqasının gümüş mükafatçısı "Olimpik" klubu "Simurq" komandasının futbolçusu Elnur Məmmədovla transfer danışıqlarına başlayıb. Bu barədə çərşənbə günü Trend-News-a "Simurq" klubuna yaxın mənbələr məlumat verib.
"Olimpik" Məmmədovdan əvvəl "Turan"dan Vüsal Qarayev, "Karvan"dan Bəşir Müqədi və "Neftçi" klubundan Ramin Quliyevi sıralarına qatıb.
"Olimpik" Azərbaycan Premyer-Liqasının sonuncu mövsümündə çempion olmaq şansını, son turda "Qarabağ" klubu ilə oyunda məğlub olaraq, əldən verib.
Komanda UEFA kuboku və növbəti mövsüm hazırlıqlarına iyunun 13-də Bakıda başlayacaq.
"Olimpik"in baş məşqçisi Əsgər Abdullayevdir.
Məqalə müəllifi ilə əlaqə ünvanı: [email protected]