Azərbaycan, Bakı, 23 oktyabr / Trend , müxbir R.Ergün/ Azərbaycanın futbol üzrə 19 yaşlılardan ibarət yığma komandası Avropa çempionatının seçmə mərhələsində keçirdiyi ikinci oyunda məğlub olub.
Azərbaycan millisi Macarıstanla görüşün son dəqiqələrində qapısından qol buraxmaqla 0:1 hesabı ilə məğlub olub.
Avropa çempionatının seçmə mərhələsində Azərbaycan yığmasının çıxış etdiyi qrupun oyunları Macarıstanda keçirilir.
Azərbaycan yığması seçmə mərhələdə ilk oyununu Şotlandiyaya qarşı keçirib və görüş 1:1 hesabı ilə başa çatıb.
Azərbaycan komandası qrupda sonuncu oyununu oktyabrın 25-də San-Marinoya qarşı keçirəcək.
Yığma komandanın baş məşqçisi Yaşar Vahabzadədir.
Məqalə müəllifi ilə əlaqə ünvanı: [email protected]