Azərbaycan, Bakı, 06 noyabr/ Trend , müxbir R.Ergün/ Futbol üzrə Azərbaycan yığma komandası ilə Albaniya millisi arasında keçiriləcək yoldaşlıq oyununun başlama vaxtı müəyyənləşib. Bu barədə Trend -a Azərbaycan Futbol Federasiyaları Assosiasiyasının (AFFA) mətbuat xidməti məlumat verib.
Noyabrın 19-da, Bakıdakı Tofiq Bəhramov adına respublika stadionunda keçiriləcək oyun saat 20.00-da başlayacaq.
Azərbaycan yığması ilə Albaniya arasında keçirilən əvvəlki oyunların hamısında albanlar qələbə qazanıblar.
İki ölkənin yığma komandaları arasındakı oyunların nəticələri belə olub: Albaniya - Azərbaycan 1:0 (2000-ci il), Albaniya - Azərbaycan 1:0 (2002-ci il), Albaniya - Azərbaycan 2:1 (2005-ci il).
Azərbaycan yığmasının baş məşqçisi almaniyalı Berti Foqtsdur.
Məqalə müəllifi ilə əlaqə ünvanı: [email protected]