Azərbaycan, Bakı, 22 yanvar / Trend , müxbir V.Məmmədova/ Azərbaycanın Mədəniyyət və Turizm Nazirliyi yeni kitabların oxuculara kütləvi çatdırılması üçün tədbirlər planı hazırlayıb.
"Azərbaycanda kitab reklamı lazımi səviyyədə deyil. Müəlliflər və yaxud kitabxanalar kitabları yetərincə reklam edə bilmirlər. Ona görə də kitaba olan maraq yetərincə deyil", - cumə axşamı Trend -a Mədəniyyət və Turizm Nazirliyinin Kitabxana işi sektorunun müdiri Lətifə Məmmədova bidirib.
Azərbaycanda 3800 kitabxana və kitabxana filialı mövcuddur. Onlardan 74-ü paytaxtda fəaliyyət göstərir.
Məmmədova deyib ki, tədbirlər planında kitabxanalarda eksklüziv təqdimat mərasimləri və müəlliflərlə görüşlərin keçirilməsi nəzərdə tutulur.
"Televiziya ilə kitabların təbliğ olunmasına böyük ehtiyac var. Yerli telekanallarda kitaba aid verilişlərin təşkil olunması çox vacibdir. Mədəniyyət verilişlərinin birində belə bir rubrika təşkil etmək nəzərdə tuturuq", - deyə Məmmədova əlavə edib.
Məqalə müəllifi ilə əlaqə ünvanı: [email protected]
