Azərbaycan, Bakı, 03 iyun / Trend , müxbir C.Babayeva /
Azərbaycanın Milli Qeyri-Hökumət Təşkilatları Forumunda QHT-lərə texniki və informasiya dəstəyi mərkəzi fəaliyyətə başlayıb.
"Mərkəzin yaradılmasında əsas məqsəd dövlət qeydiyyatı olan və olmayan qeyri-hökumət təşkilatlarının fəaliyyətinə dəstək verməkdir. Milli QHT Forumuna üzv olmayan qeyri-hökumət təşkilatları da mərkəzin dəstəyindən istifadə edə bilərlər", - çərşənbə günü Trend -a Milli QHT Forumunun rəhbəri Rauf Zeyni məlumat verib.
Trend -un arayışı: Azərbaycanın Milli QHT Forumuna üzv olan təşkilatların sayı 503-dür. Ölkədə üç mindən çox QHT var.
Zeyni bildirib ki, Milli QHT Forumu dövlət qeydiyyatı ilə bağlı problemləri olan qeyri-hökumət təşkilatlarına da köməklik göstərir. "Forum qeydiyyatla bağlı çətinlikləri olan qeyri-hökumət təşkilatlarına dəstək məktubu təqdim edir", - forum rəhbəri deyib.
Məqalə müəllifi ilə əlaqə ünvanı: [email protected]