Azərbaycan, Bakı, 17 iyul / Trend , müxbir A.Hüseynbala /
Azərbaycanın Mətbuat Şurası adında "Naxçıvan" sözü olan bir neçə qəzetin fəaliyyətinin dayandırılmasına nail olub.
"Naxçıvan Muxtar Respublikasının Ədliyyə Nazirliyinin müraciətindən sonra apardığımız araşdırmanın nəticəsi əsasında Azərbaycanın Ədliyyə Nazirliyi müvafiq qərar çıxarıb", - cümə günü Trend -a Mətbuat Şurasının sədri Əflatun Amaşov bildirib.
Trеnd Nеws-un аrаyışı: Azərbaycanın Mətbuat Şurası mütəmadi olaraq reketçiliklə məşğul olan qəzetlərin adlarını açıqlayır. Həmin siyahılarda adında "Naxçıvan" sözü olan bir neçə qəzet də var.
Azərbaycanda 3300-dən çох KİV qеydiyyаtdаn kеçib. Hаzırdа оnlаrdаn 600-ə yахını fəaliyyət göstərir. Təхminən 400-ə qədər qəzеt və jurnаl dərc оlunur, 20-dən çox tеlеkаnаl fəаliyyət göstərir. Аzərbаycаndа 50-yə yaxın elektron KİV, təxminən 20 informasiya agentliyi vаr. Qalanları isə internet resurslarıdır.
Amaşovun sözlərinə görə, Naxçıvan Muxtar Respublikası Ədlyyə Nazirliyinin müraciəti əsasında apardıqları araşdırma zamanı adında "Naxçıvan" sözü olan qəzetlərin əksəriyyətinin reketçilik məqsədi ilə təsis olunduğu üzə çıxıb. "Bundan başqa, həmin qəzetlərin əksəriyyətinin təsisçiləri və baş redaktorlarının da əslən naxçıvanlı olmadığı müəyyənləşdirilib", - şura sədri əlavə edib.
Şura sədri deyib ki, əvvəllər reketçiliklə məşğul olduqları təsdiqlənən və fəaliyyətləri dayandırılan qəzetlər isə "Ulu Naxçıvan", "Naxçıvan bu gün", "Böyük Naxçıvan", "Naxçıvanın sədası", "Naxçıvan Media+", "Naxçıvanın səsi", ""Müasir Naxçıvan" və "Nyu Naxçıvan.az"-dır.
Məqalə müəllifi ilə əlaqə ünvanı: [email protected]
