Azərbaycan, Bakı, 31 avqust / Trend , muxbir H.Bağırov /
Azərbaycanda metro stansiyasına bomba qoyulması barədə yalan məlumat verən şəxsə hökm oxunub.
Ağır Cinayətlərə Dair İşlər üzrə Məhkəmədən bazar ertəsi Trend -a verilən məlumata görə, Siyəzən rayon sakini 22 yaşlı Pərvin Ağasiyeva öz mobil telefonu ilə bu il iyunun 28-də Daxili İşlər Nazirliyinin 102 qaynar xəttinə zəng edərək "28 May" metro stansiyasına bomba qoyulması barədə məlumat verib. Məhkəmə onu bu cinayətdə təqsirli bilərək 3 il şərti azadlıqdan məhrum edib.
Ağasiyeva terrorçuluq barədə bilə-bilə yalan məlumat vermə cinayətində ittiham olunur.
Son vaxtlar Azərbaycanda bu qəbildən olan hadisələrin sayı artıb. Terrorçuluq barədə verilən məlumatlar təsdiqini tapmayıb.
Hazırda məhkəmədə bu qəbildən olan cinayətlərlə bağlı bir neçə proses davam edir.
Məqalə müəllifi ilə əlaqə ünvanı:[email protected]
